Main jo khud ko nadiya keh doon
to tum meri gehraayi ho
tum jaano khud ko apne jaisa
par meri hi parchhayi ho
saath saath na chalo kabhi to
paas paas na raho kabhi to
Main paaun khud ko bahut akele
jo tumse meri ruswaayi ho
tum meri raaton ki neend
tum mere din ke soch-vichaar
tum dhalti si ho tez dupahari
Tum subah ki angdaayi ho
tumse apne jivan mein main
paaun sab kuchh komal sa
tum mere hothon ki ek hansi ho
tum mere jivan ki gawaahi ho
Main chaahe tumko kitna chaahun
main chaahe kitna pyaar karun
tera saath mujhe na mile akele
tum to preet paraayi ho
****************************************************
No comments:
Post a Comment